Ekip
19 Декември 2019•Ажурирај: 19 Декември 2019
МОСКВА (АА) - Рускиот претседател, Владимир Путин изјави дека климатските промени претставуваат нов предизвик за неговата земја, пренесува Агенција Анадолија (АА).
Зборувајќи на годишната прес-конференција денес, Путин изјави дека глобалното затоплување може да претставува закана за руските арктички градови и места изградени на пермафростот.
Тој додаде дека климатските промени можат да предизвикаат пожари, катастрофални поплави и други негативни последици.
Рускиот претседател нагласи дека неговата земја се придржувала до Парискиот договор, чија цел беше да се успори глобалното затоплување.
Тој истакна дека факторите што стојат зад глобалните климатски промени остануваат непознати и дека е тешко да се предвидат.