Русија: Пронајдовме тела на 152 украински војници во возило ладилник во Азовстал

МОСКВА (АА) – Портпаролот на руското Министерство за одбрана, Игор Конашенков, истакна дека руските војници пронашле тела на 152 украински војници што биле минирани во возило ладилник сместено во бункери во фабриката за металургија „Азовстал“ во Мариупол, пренесува Агенција Анадолија (АА).

Конашенков даде информации за акциите на руската Армија во војната во Украина.

Наведувајќи дека руските војници пронашле изотермално возило во подземниот бункер каде што се криеле украинските војници и членовите на баталјонот Азов на локацијата на фабриката за металургија „Азовстал“, Конашенков рече: „Во ова затворено возило со неисправен систем за ладење.“

Конашенков рече дека командантите на баталјонот Азов побарале од претседателот на Украина, Владимир Зеленски, да ги земе телата за да можат нивните семејства да ги закопаат,

Тој тврдеше дека киевската администрација не поднела никакво барање телата да бидат земени.

Исто така,Конашенков рече дека при прегледот на возилото ладилник од страна на руските војници пронајдени се 4 мини под телата на украинските војници, и дека овие мини се доволни за уништување на сите остатоци од трупови во возилото.

Конашенков истакна дека како резултат на сослушувањето на заробениците од баталјонот Азов било утврдено дека мините биле поставени по наредба на киевската управа.

Според него, била подготвена провокација за да се обвини Русија дека не дозволува телата да бидат предадени на нивните семејства.

„Руската страна планира во блиска иднина телата на украинските борци и војници пронајдени на територијата на фабриката Азовстал да им ги предаде на украинските претставници“, рече Конашенков.

- Во близина на Миколаев соборен „Су-25“

Соопштувајќи дека офанзивата на руската Армија во Украина продолжува, Конашенков истакна дека за еден ден со проектили со висока прецизност уништиле 4 командни центри на украинската Армија и 13 области во кои се наоѓале воени и технички возила.

Конашенков истакна дека како резултат на воздушните напади неутрализирани се речиси 290 украински националистички сили и 23 воено-технички возила.

Тој нагласи дека собориле борбен авион „Су-25“ на украинското воздухопловство во близина на населбата Кобзарци во регионот на Миколаев.

Според него, руските системи за противвоздушна одбрана уништиле 6 украински беспилотни летала, од кои 1 во близина на Змискиот Остров.

„До денес уништени се 184 авиони, 128 хеликоптери, 1.070 беспилотни летала, 325 ракетни системи за противвоздушна одбрана, 3.342 тенкови и оклопни возила, 454 ракетни фрлачи, 1.738 хаубици и минофрлачи и 3.311 специјални воени возила на украинските сили“, додаде тој.