Самоубиствен напад во Пакистан, четворица загинати

ИСЛАМАБАД (АА) - Четири лица загинаа, од кои двајца припадници на безбедносните сили и еден полицаец, а двајца полицајци се повредени во самоубиствениот напад извршен на контролен пункт во пакистанската провинција Хајбер Пахтунхва, известува Анадолу.

Според Гео њуз, самоубиствен напад бил извршен на контролен пункт во регионот Јужен Вазиристан во провинцијата Хајбер Пахтунхва, која граничи со Авганистан.

Во нападот животот го загубија четири лица, од кои двајца се припадници на безбедносните сили и еден полицаец, кои биле на должност на контролниот пункт. Во нападот се повредени и двајца полицајци.

Сè уште никој не ја презеде одговорноста за нападот, а ова е втор напад во регионот во последните 24 часа.

Вчера четворица припадници на паравоените сили и двајца припадници на приватно обезбедување беа убиени во нападот што милитанти го изведоа врз фабрика за гас во провинцијата Хајбер Пахтунхва.

– Тврдења за пакистански талибанци

Терористичките напади во Пакистан се зголемија последните месеци, особено во провинциите Хајбер Пахтунхва и Белуџистан.

Исламабад тврди дека овие напади се планирани и режирани од страна на пакистанските талибанци (ТТП) со седиште во Авганистан. Авганистан од своја страна, ги негира овие тврдења.

Во самоубиствениот напад на џамијата за време на пладневната молитва на 30 јануари во Пешавар загинаа 102 лица, од кои повеќето полицајци, а во самоубиствениот напад изведен на 6 март во Белуџистан загинаа 10 полицајци.

На 19 мај беше извршен самоубиствен напад врз конвојот на Сираџ ал-Хак, лидерот на партијата Џамаат-и Ислами, во областа (Zhob) во Белучистан. Генералниот секретар на партијата Емирул Азим соопшти дека лидерот на партијата Хак го преживеал самоубиствениот напад без повреди, а напаѓачот починал.