САХАРА (АА) - Сахара е најголемата топла пустина во светот, која покрива 30 % од африканскиот континент, известува Анадолу.
Пустината се протега преку северната третина на африканскиот континент и влегува во составот на Алжир, Чад, Либија, Тунис, Египет, Нигер, Мали и Мавританија. Голема е приближно колку САД. Сахара е третата најголема пустина во светот, а најголема топла пустина.
Пустината Сахара, онаква каква што е денес, постои преку 3.500 години. Во далечното минато била зелена површина.
Климата во Сахара е сува и топла. Врнежите се многу ретки. Сахара е најголемото суво подрачје на Земјата. Последните децении се забележува ширење на Сахара. Средната годишна температура изнесува 31 степен Целзиусов, меѓутоа, во некои подрачја температурата се зголемува до 50 степени. Песочните бури настануваат ненадејно.
Иако голем број луѓе размислуваат за прекрасните песочни дини на Сахара, тие се само мал дел од оваа пустина. Пределот е првенствено составен од карпеста хамада, односно неплодна земја со карпести платоа. Иако ретко, ќе најдете и мали парчиња тревници, грмушки од пустински вид, планини и солани. Сахара е и дом на импресивна флора и фауна, вклучувајќи и неколку видови лисици.
