АЗАЗ (АА) - Сириската национална војска (СНВ), која ја обезбедува безбедноста на регионите изложени на нападите на терористичката организација ЈПГ/ПКК во северна Сирија, продолжува со подготовките за можни операции против организацијата, јавува Агенција Анадолија (АА).
СНВ се подготвува да ги задржи своите воени способности на највисоко ниво во борбата против заканите од областите како што се Тел Рифат и Мунбич кои се окупирани од терористите.
Поддржувајќи ги турските операции „Штитот на Еуфрат“, „Маслинова гранка“ и „Извор на мирот“, реализирани против терористичката организација ЈПГ/ПКК, Сириската национална војска (СНВ) прави планови за учество во можни нови операции.
За таа цел, состојбата на тешкото вооружување како што се оклопни возила, повеќецевни ракетни фрлачи и минофрлачи, како и способноста на борците, се разгледани за време на подготовките спроведени во Азаз.
Силите на СНВ со реализирање вежби одвреме-навреме ја зајакнуваат својата позиција против терористичката организација ЈПГ/ПКК.
