Топлотен бран во Франција, прогласен е портокалов аларм

ПАРИЗ (АА) - Во две третини од градовите во Франција е прогласен портокалов аларм поради високите температури, јавува Anadolu Agency (AA).

Францускиот Метеоролошки завод соопшти дека е прогласен портокалов аларм во 66 од вкупно 95 градови во Франција, вклучувајќи го и Париз.

Денес во некои места е измерена температура од 38 степени. Се очекува ваквите услови да потраат до четврток, додека во некои места се очекува температурата да се искачи и до 40 степени.

Поради вискоите температури што ги погодија западните и јужните области на Франција, француската Влада презеде мерки за заштита на децата во детските градинки и училишта.

Денес во Париз е измерена температура од 35 степени.

Во Франција, каде што е побројна старата популација, често се забележува смрт кај постарите лица поради високите температури.