Украина: Раздвиженоста на руските сили на белоруската граница е намалена

КИЕВ (АА) - Генералштабот на Вооружените сили на Украина денеска соопшти дека има „значително намалување на интензитетот на движењето“ на руската воена опрема на границата со Белорусија, пренесува Агенција Анадолија (АА).

Украинската војска на својот профил на социјалните мрежи ги сподели најновите случувања од војната на нејзиниот 57. ден.

Велејќи дека Русија ги продолжила своите операции во источните региони на Украина со цел да воспостави целосна контрола врз областите Доњецк и Луганск, Генералштабот соопшти дека „продолжуваат ракетните и нападите со бомби врз воената и цивилната инфраструктура низ Украина“.

„Некои единици на Белоруските вооружени сили продолжуваат да извршуваат задачи за покривање на украинско-белоруската граница во регионите Брест и Гомел“, се додава.

Истакнувајќи дека Русија „се обидела да ја преземе целосната контрола над Мариупол“, Украинската армија соопшти дека руските сили продолжиле да вршат воздушни напади и обиди за напади во областа на морското пристаниште и централата „Азовстал“.

Се наведува дека „самопрогласените окупациски власти најавија мобилизација на мажите во областа Херсон и дека „според достапните информации, таканаречениот „референдум“ е планиран за 1 мај во делот на Херсонската Област, окупиран од Русија“.

„И во периодот од 2 до 10 мај се планира да има „попис“. На локалното население му е забрането да се движи меѓу населените места“, се додава.

Генералштабот, исто така, истакна дека Русија трпи „значителни загуби во персонал и воена опрема“.

„Според ажурираните податоци, командантот на Првиот полк со моторизирана пешадија, дел од Втората дивизија со моторизирана пешадија при Првата тенковска армија на западниот воен округ, потполковник Денис Межујев, е елиминиран од бранителите на Украина“, се вели во соопштението.