Шефот на СЗО: Жителите на Газа се соочуваат со глад

АНКАРА (АА) - Жителите во градот Газа се соочуваат со гладта и го продаваат она што го поседуваат за храна, предупреди денес шефот на Светската здравствена организација (СЗО), Тедрос Аданом Гебрејесус, пренесува Анадолу.

„Гладта е присутна, гладта демне во Газа“, напиша Гебрејесус на платформата Х.

Четири од пет домаќинства во северниот дел на Газа и половина од раселените домаќинства на југот од енклавата поминуваат денови и ноќи без храна, рече Гебрејесус.

„Ова е срцепарателно. Овој одолговлечен конфликт го блокира многу потребниот пристап на храната и друга хуманитарна помош која спасува животи“, напиша тој.

Гебрејесус ја повика меѓународната заедница за итно подобрување на обезбеденоста со храна преку забрзан проток на помош во Газа, за да се запре гладот.

Од 7 октомври, израелската армија води деструктивна војна во Газа, што резултира со 20.057 загинати и 53.320 повредени, од кои повеќето деца и жени. Предизвикана е огромна штета на инфраструктурата и голема хуманитарна катастрофа, според палестинските и меѓународните извори.