Шпанија бара Израел да ја почитува одредбата на МСП и да ја запре офанзивата врз Рафа

ОВИЕДО (АА) - Шпанскиот министер за надворешни работи Мануел Алварез денес го предупреди Израел дека мора да ја исполни одлуката на Меѓународниот суд на правдата (МСП) со која се бара Израел „веднаш да ја прекине својата воена офанзива во Рафа“, пренесува Анадолу.

„Привремените мерки на МСП, меѓу кои и прекинот на израелската офанзива во Рафа, се задолжителни“, рече Хозе Мануел Алварес во објава на X.

„Бараме нивно спроведување“, нагласи тој.

Вчера, највисокиот суд на Обединетите нации донесе одлука за привремените мерки што ги побара Јужноафриканската Република во случајот против Израел за геноцид, наложувајќи му да ја прекине воената операција во Рафа, како и да го држи граничниот премин Рафа отворен за непречен пристап на основните услуги и хуманитарната помош во Газа

Во својата денешна изјава, Алварес додаде дека Шпанија бара и прекин на огнот, ослободување на заложниците и пристап на хуманитарната помош до Газа.

„Мора да се стави крај на страдањата на населението во Газа и на насилството“, истакна тој.

Неговите изјави доаѓаат во моменти на растечки тензии меѓу Шпанија и Израел.

Напнатоста во билатералните односи се зголеми оваа недела кога Шпанија, заедно со Ирска и Норвешка, објавија дека формално ќе ја признаат палестинската државност во наредните денови.

Како одговор, израелската Влада ги отповика своите амбасадори и ги врати амбасадорите на трите земји во Израел.