Премиер лига: Батленд на позајмица во Манчестер Јунајтед

МАНЧЕСТЕР (АА) - Голманот на Кристал Палас, Џек Батленд, остатокот од сезоната ќе го помине во ривалот од Премиер лигата, Манчестер Јунајтед, потврди англискиот клуб, пренесува Агенција Анадолија (АА).

Како што наведоа од управата на Јунајтед, 29-годишниот англиски голман ќе биде третиот чувар на мрежата во клубот од „Олд Трафорд“, покрај Давид де Хеа и Том Хитон.

Батленд играше за Бирмингем Сити, Стоук Сити, Лидс Јунајтед, Дерби Каунти, Барнсли, а Кристал Палас дојде во 2020 година. Во Премиер лигата настапи 87 пати. Батленд забележа и девет настапи за репрезентацијата на Англија.