Mücahit Oktay
06 Октомври 2023•Ажурирај: 08 Октомври 2023
ЊУЈОРК (АА) - Водечката турска новинска агенција Анадолу го претстави напредниот систем за следење избори користен на последните турски избори на Меѓународната конференција МИНДС во Канада, на која присуствуваа водечки светски новински агенции, јавува Анадолу.
На 35. Меѓународна конференција одржана во Торонто, чиј домаќин беше Канадиан прес, директорите на Анадолу го претставија системот што го развија за да ги достават резултатите до претплатниците за претседателските избори одржани во Туркије во мај.
Заменик-генералниот директор и главен уредник на агенцијата, Јусуф Озхан, и директорот за маркетинг и развој на бизнисот, Ерман Јуксел, присуствуваа на конференцијата што беше организирана на тема прифаќање на фундаменталните промени што ги носи вештачката интелигенција (ВИ).
Јуксел истакна дека системот за следење избори, чиј софтвер го разви Анадолу, одиграл клучна улога во успехот на Агенција Анадолу во пренесувањето на изборните резултати, велејќи дека се завршени подготовките за маркетинг на решенијата за изборниот систем на меѓународните медиумски организации.
- Студии за вештачка интелигенција -
На тридневната конференција се дискутираше за големите ветувања на технологијата за вештачка интелигенција, како и за нејзините ризици и опасности и во професионалниот и во личниот живот.
Како дел од програмата, тим на директори од најголемите светски новински агенции ги посетија лабораториите на Универзитетот во Торонто, Универзитетот во Ватерло и истражувачките центри што тесно ги поддржуваат студиите за вештачка интелигенција и студиите за иновации.
Меѓународната конференција МИНДС, која се одржува двапати годишно, е дефинирана како платформа што им овозможува на новинските агенции да развијат соработка и да ги споделат своите медиумски стратегии.
Големите новински агенции како Анадолу, АФП, Ројтерс, АП, АНСА, ДПА, АНА, ЕФЕ и Кјодо се меѓу членовите на МИНДС Интернешнал.
