Muhammet Kurşun
03 Декември 2015•Ажурирај: 04 Декември 2015
СУЛЕЈМАНИЈА (АА) - Претседателот на Комисијата за енергетика во Парламентот на Регионалната курдска управа на северот на Ирак (IKBY) Серко Џевџет, во врска со последните тврдења дека нафтата на ДАЕШ се транспортира преку правецот Захо-Силпи и понатаму во Турција, истакна дека на руските снимки се гледаат цистерни кои превезуваат нафра од регионот на Курдистан во Турција, јавува Anadolu Agency (AA).
"На снимките кои Русите ги направиле од сателит се цистерни кои превезуваат нафта од регионот на Курдистан во заливот Џејхан во Турција" , рече Џевдет.
Џевдет за АА изјави дека и самиот се информирал за трговијата на нафта која ја води ДАЕШ, напоменувајќи дека руските снимки воошто не ги докажуваат нивните тврдења.
"Нашето Министерство за природни ресурси порано соопшти дека стотици цистерни од регионот на Курдистан превезуваше нафта во Турција. Нафтата во Турција се превезува со цистерни и тоа не е никаква тајна", кажа Џевдет.
Нагласи дека е неизводливо нафтата од ДАЕШ да биде транспортирана по патиштата и градовите во курдскиот регион.
" Регионот на Курдистан нафтата ја транспортира преку нафтоводи и цистерни. Од Турција понатаму се продава на светскиот пазар. На снимките кои ги објави Русија се гледаат тие цистерни. Во рацете на Русите не постои веродостоен документ кој би докажал дека Турција и регионот на Курдистан тргуваат со нафта со ДАЕШ. За такво силно тврдење потребни се силни документи и информации ", рече претседателот на Комисијата за енергетика во Парламентот на Регионалната курдска управа на северот на Ирак (IKBY).
Одредени руски функционери по соборувањето на рускиот воен авион кој го наруши турскиот воздушен простор изнесоа тврдење дека Турција тргува со нафта со ДАЕШ.
