Неутрализирани тројца терористи во југоисточна Турција

АНКАРА (АА) - Турските безбедносни сили неутрализираа најмалку тројца терористи во југоисточна Турција, соопшти турското Министерство за внатрешни работи, пренесува Агенција Анадолија (АА).

Во рамките на операцијата „Јилдирим-2 Џило“, терористите беа цел на операцијата на локалната команда на жандармеријата во областа Хакќари.

Турските власти честопати го користат зборот „неутрализира“ за да укажат дека терористите за кои станува збор се предале, биле убиени или се фатени од безбедносните сили.

Припадноста на терористите не беше спомената, но во регионот активна е терористичката организација ПКК.

Ова лето, Турција започна серија безбедносни операции за неутрализирање на терористите што се кријат во источниот и југоисточниот дел на земјата.

ПКК е сепаратистичка терористичка организација која се наоѓа на листата терористички организации во Турција, Европската Унија (ЕУ) и Соединетите Американски Држави (САД). Во текот на тридецениската терористичка кампања против Турција, терористите на ПКК убија најмалку 40.000 луѓе, меѓу кои и жени и деца.