لە ئۆپەراسیۆنێکی ئەمریکا-دا گەورە بەرپرسێکی رێکخراوی داعش/ خۆراسان کوژرا

واشنتۆن - AA

ئەمریکا، ئەنجامدانی ئۆپەراسیۆنێکی بۆسەر رێکخراوی داعش/خۆراسان راگەیاند.

گوتەبێژی هێزە ناوەندییەکانی ئەمریکا، بیل ئورباڵ لە راگەیەندراوێکدا ئەوەی خستوەتەڕوو کە هێزە سەربازییەکانی ئەمریکا ئۆپەراسیۆنێکی سەرکەوتوویان بۆسەر رێکخراوی داعش/ خۆراسان ئەنجامداوە.

ئورباڵ، باسی لەوەش کردوە کە ئۆپەراسیۆنەکە لەڕێی فڕۆکەی بێفڕۆکەوان و لە ویلایەتی نانگاهار-ی ئەفغانستان ئەنجامدراوە و تیایدا گەورە بەرپرسێکی رێکخراوەکە کوژراوە.

ئەم ئۆپەراسیۆنەی ئەمریکا دوای ئەوە هات کە رۆژی پێنجشەممە لە نزیک فڕۆکەخانەی حامید کارزای لە شاری کابوڵ پەلامارێکی خۆکوژی ئەنجامدرا و لە ئاکامدا ١٣ سەربازی ئەمریکی و زیاتر لە ١٧٠ هاووڵاتی ئەفغانستانی برینداربوون، هەروەها رێکخراوی تیرۆرستی داعش/ خۆراسان بەرپرسیاریەتی خۆی لە پەلامارەکە راگەیاند.