مارکۆ ڕۆبیۆ: "قۆناغی داھاتوو بۆ ئێران توندتر دەبێت"

واشنتۆن ــ AA

وەزیری دەرەوەی ئەمریکا، مارکۆ ڕۆبیۆ ڕایگەیاند کە سوپای ئەمریکا ھێشتا ھێرشی توند و بەھێزیان نەکردووەتە سەر ئێران و ئاماژەی بەوەشدا کە قۆناغی داھاتوو بۆ ئێران، توندتر دەبێت.
مارکۆ ڕۆبیۆ لە لێدوانێکی ڕۆژنامەوانییدا، بانگەشەی ئەوەی کرد کە ئێران بووەتە "ھەڕەشەیەکی ڕاستەوخۆ"، بۆ سەر ئەمریکا و ئیسرائیل.

ڕاشیگەیاند کە یەکێک لە ئامانجە سەرەکییەکانی ئێستای ھێرشەکان بۆ سەر ئێران، لەناوبردنی توانای مووشەکە بالیستییەکەی ئێرانە.

ھەروەھا باسی لەوەش کرد کە ئێران مانگانە، ١٠٠ مووشەکی ھێرشبەری بەرھەمدەھێنێت و لە بەرامبەردا مانگانە شەش بۆ حەوت مووشەکی بەرگریی بەرھەدەھێنێت.

ھەروەھا وەزیری دەرەوەی ئەمریکا، مارکۆ ڕۆبیۆ ڕایگەیاند کە سوپای ئەمریکا ھێشتا ھێرشی توند و بەھێزیان نەکردووەتە سەر ئێران و گوتی: "قۆناغی داھاتوو بۆ ئێران، توندتر دەبێت".

مارکۆ ڕۆبیۆ لە وەڵامی پرسیارێک سەبارەت بە گۆڕینی دەسەڵات لە ئێران، ئەوە گوتی: "لەگەڵ ئەوەی ھیوادارم دەسەڵاتێک نوێ لەوێ ببینین، بەڵام گرنگترین شت ئەوەیە کە ھەر کەسێک ساڵێکی دیکە حوکمی ئەو وڵاتە (ئێران) بکات، خاوەنی ئەم مووشەکە بالیستیانە نابێت کە ھەڕەشەمان لێ بکات".