یەمەن.. تێكشكاندنی مووشەكێكی بالیستی حووسییەكان

یەمەن ــ AA

سیستەمی بەرگری هاوپەیمانیەتی عەرەبی بە سەركردایەتی سعوودیە، مووشەكێكی بالیستی كە لە لایەن حووسییەكانەوە ئاراستەی شاری مەئرەب رۆژهەڵاتی یەمەن كرابوو، تێشكاند.

سەرچاوەیەكی سەربازی نزیك لە هاوپەیمانیەتی عەرەبی كە نەیویست ناوی ئاشكرا بكات بە ئاژانسی ئانادۆڵوی رایگەیاند، سیستەمی بەرگری ئاسمانی (پاتریۆت) سەر بە هاوپەیمانیەتی عەرەبی، مووشەكێكی بالیستی لەسەر ئاسمانی شاری مەئرەب رۆژهەڵاتی یەمەن تێكشكاندووە كە لە لایەن حووسییەكانەوە ئاراستە كرابوو.

سەرچاوەكە ئاماژەی بەوەشدا كە سیستەمی بەرگری هاوپەیمانیەتی عەرەبی، مووشەكە بالیستییەكەی لەسەر ئاسمانی شاری مەئرەب تەقاندووەتەوە، بێ‌ ئەوەی هیچ زیانێكی لێبكەوێتەوە.

تا ئێستا هیچ روونكردنەوەیەك لەوبارەیەوە لە لایەن هاوپەیمانیەتی عەرەبی، هەروەها حووسییەكان بڵاونەكراوەتەوە.