راگه‌یه‌نراوێک له‌ سه‌رۆکی هه‌رێمی کوردستانه‌وه‌

ھەولێر - AA

سەرۆکی ھەرێمی کوردستان، نێچیرڤان بارزانی پەیامێکی لەبارەی توندوتیژیی و دوا پەرەسەندنەکانی عێراق بڵاوکردەوە.

بەپێی ئەو راگەیەنراوەی لە ماڵپەری فەرمی سەرۆکی ھەرێمی کوردستان بڵاوکراوەتەوە، نێچیرڤان بارزانی پەیامێکی لەبارەی توندوتیژیی و دوا پەرەسەندنەکانی عێراق بڵاوکردەوە.

لە پەیامەکەدا نێچیرڤان بارزانی ئیدانەی بەکارھێنانی توندوتیژی دژ بە خۆپیشاندەران لە عێراق کردووە و ئاماژەی بەوە داوە کە خۆپیشاندانی ئاشتییانەی مەدەنی، مافێکی دەستووریی رێگەپێدراوە، کوشتنی خۆپیشاندەران و بەکارھێنانی ھێز بۆ تۆقاندن و بڵاوەپێکردنیان، تاوانێکی زەق و زەوتکردنی ئازادی و مافە دەستوورییەکانی ھاووڵاتیانە.

سەرۆکی ھەرێمی کوردستان، نێچیرڤان بارزانی لە پەیامەکەیدا راشیگەیاند:

"ئێمە لە کاتێکدا داوای راگرتنی ئەو توندوتیژی و ھەڵسوکەوتە ناڕەوا و نایاساییە دەکەین، پشتگیریی خۆمان بۆ داوا رەواکانی خۆپیشاندەران دووپات دەکەینەوە لە دابینکردنی خزمەتگوزاری و خۆشگوزەرانی و ژیانێکی باشتر کە مافی شایستەی گەلی عێراقە."

سەرۆکی ھەرێمی کوردستان داواشی کرد کە ھەرچی زووترە پرۆسەی پێکھێنانی کابینەی نوێ یەکلا بکرێتەوە بۆ کۆتاییھێنان بەو قەیرانەی ئێستا لە عێراقدا هەیە.