چەند کۆگایەک لە ناوچەی پیشەسازی سلێمانی گڕی تێبەربوو

سلێمانی - AA

ئاگر لە چەند کۆگایەکی ناوچەی پیشەسازی سلێمانی کەوتەوە.

بە گوتەی شایەتحاڵانی ناوچەکە، شۆرتی کارەبا بووەتە هۆی گڕگرتنی چەند کۆگایەک لە ناوچەی پیشەسازی سلێمانی و تیمەکانی ئاگرکوژێنەوەش گەیشتوونەتە شوێنی ڕووداوەکە.

سەرەڕای هەموو هەوڵەکان بۆ ڕێگری لە تەشەنەسەندنی ئاگرەکە، بەڵام ئاگرەکە چەند کۆگایەکی دیکەشی گرتووەتەوە و دەگوترێت بوونی ماددەی جیاواز کە زوو گڕ دەگرێت بووتە هۆی ئەوەی کە ئاگرەکە بە خێرایی پەرە بستێنێت.

لە ئێستادا تیمەکانی فریاکەوتن و ئاگرکوژێنەوە سەرقاڵی کۆنترۆڵکردنی ئاگرەکە و کوژاندنەوەن و بە پێی زانیارییەکان ئاگرەکە تەنیا زیانی ماددی هەبووە و هیچ زیانێکی گیانی لێ نەکەوتووەتەوە.

بە هۆی ئاگرەکەوە دووکەڵێکی چڕ باڵی بەسەر شاری سلێمانی داگرتووە.