САРАЕВО (АА) – ВЕСНА БЕШИЌ
Францисканскиот манастир во главниот град на Босна и Херцеговина, Сараево, постои повеќе од седум века и заедно со црквата „Свети Анте Падовански“, која се наоѓа во склоп на манастирот, се еден од најважните симболи на градот.
Фрањевците со векови биле сведоци на социјалните и политички промени во Босна и Херцеговина, и се една од верските заедници која живее најдолго на овие простори.
Со објавувањето на заветот од страна на османлискиот султан Фатих Султан Мехмед, кога Босна и Херцеговина била освоена во 1463 година, постоењето и правата на фрањевците биле загарантирани. За време на последната војна во Босна и Херцеговина, во 1990 година, фрањевците одбележаа 700 години од нивното присуство во земјата.
Монахот на манастирот, Славко Топиќ, во изјавата за Anadolu Agency (AA) истакна дека фрањевците што припаѓаат на католичката секта и кои веруваат дека христијанството се воспитува со сиромаштија, во Босна и Херцеговина живеат подолго од седум века.
„За време на војната во Босна и Херцеговина фрањевците одбележаа 700 години од нивното присуство во земјата. Фрањевците се една од верските заедници која најдолго живее на овие простори“, нагласи Топиќ.
Тој, исто така, истакна дека историскиот манастир во Сараево порано се користел како центар за образование. Според него, денес во руралните региони каде што живеат фрањевците постојат некои образовни центри.
- Изложени се и портрети на османлиски султани
Топиќ наведе дека манастирот во Сараево бил изграден во 1894 година за потребите на фрањевците.
„Во тие години во Босна и Херцеговина бројот на нашето население се зголемуваше. Затоа имало потреба за центар, каде што младите свештеници ќе добијат религиозно образование“, рече тој.
Топиќ, нагласувајќи дека вековниот манастир денес е дом на голем број културни активности, рече дека во уметничката галерија, што се наоѓа на првиот кат на манастирот, изложени се портретите на османлиските султани.
Топиќ, исто така, наведе дека манастирот, кој има и музејски дел, го посетуваат луѓе од различна верска и етничка припадност и додаде: „Не знам зошто, но мислам дека луѓето се восхитуваат на импресивната архитектура на манастирот“.
Топиќ изјави дека црквата „Свети Анте Падовански“, која се наоѓа до манастирот, е изградена помеѓу 1853-1856.
„Во големиот пожар во Сараево во 1879 година црквата беше целосно уништена. Повторно е изградена за време на Првата светска војна. Во 1960 година го доби денешниот изглед“, рече Топиќ.
Топиќ нагласи дека црквата со внатрешниот и надворешниот дел претставува едно уметничко дело. А тоа, според него, покажува дека фрањевците се исклучително одговорни за зачувување на францисканската историја.
