Терави намаз низ градовите во регионот

СКОПЈЕ/ТИРАНА/ПРИШТИНА (АА) – Муслиманите вечерва ги преполнија џамиите низ градовите во регионот, каде го ивршија првиот верски обред со кој се означува месецот на постот Рамазан, клањањето терави намаз, јавува Anadolu Agency (AA)

Верниците од исламска вероисповед оваа молитва ја извршија во повеќе градови низ Македонија, Албанија и Косово, меѓу кои и во Скопје, Тирана и Приштина.

Верниците во Скопје за клањање на терави намаз ја исполнија и Мустафа пашината џамија.

Оние кои не можеа да најдат место внатре во џамијата, молитвата ја извршија надвор, во дворот на џамијата.

Исто така и муслиманските верници во Тирана ја извршија првата молитва, терави намаз, во џамијата Нови Пазар во Тирана, како и во другите џамии во овој град.

Во Приштина светиот месец за верниците муслимани, Рамазан, беше пречекан со голема радост и со извршување на верскиот обред терави намаз.

Џамијата Фатих Султан Мехмет во главниот град на Косово беше преполна со муслимани поради првата рамазанска молитва.

Исто така, и во другите градови од земјите од регионот, меѓу кои во Сараево, Подгорица, Нови Пазар, вечерва се клањаше терави намаз.

Инаку, зборот „теравија" значи одмор или пауза, а овој верски обред се извршува секоја вечер за време на месецот на постот.

Муслиманите во земјите на Балканот за време на Рамазан ќе постат меѓу 17 и 18 часа дневно.