ФК Болоња: Синиша Михајловиќ е заразен со коронавирусот

РИМ (АА) - Шефот на стручниот штаб на италијанскиот фудбалски клуб Болоња, Синиша Михајловиќ, е заразен со коронавирусот, пренесува Агенција Анадолија (AA).

Раководството на Болоња денес соопшти дека Михајловиќ е позитивен на последниот тест за коронавирусот.

Во соопштението се вели дека српскиот фудбалски стручњак немал симптоми на вирусот и дека бил ставен во домашна изолација.

На Михајловиќ минатата година му беше дијагностицирана леукемија од која успешно се излекува со трансплантација на коскена срцевина.