Во Авганистан во последните 9 години загинаа над 23.000 цивили

КАБУЛ (АА) - Претседателот на Комисијата за човекови права на Авганистан, Сима Семер, истакна дека во насилните настани извршени во последните девет години во земјата животот го загубија 23.130 цивили, јавува Anadolu Agency (AA).

Семер на прес-конференција која се одржа во авганистанскиот главен град, Кабул, нагласи дека како резултат на истражување направено од страна на оваа комисија, е откриено дека терористичките организации се одговорни за 69,8 отсто од цивилните загуби.

Истакнувајќи дека 40.974 лица се повредени во различни напади и судири извршени последните девет години, Семер рече дека 7,5 отсто од загинатите се жени, додека 17,9 се деца.

Семер нагласи дека треба да се донесе одреден закон за заштита на правата на загрозените.