Авганистан: Талибанците за време на бајрамските празници убија 20 цивили, а 40 ранија

КАБУЛ

Авганистанското Министерство за внатрешни работи соопшти дека талибанците го прекршиле прекинот на огнот за време на Курбан-бајрам, пренесува Агенција Анадолија (АА).

Тарик Арјен, портпаролот на Министерството, потсети дека талибанците и Владата постигнале договор за прекинот на огнот за време на Бајрам, меѓутоа, талибанците тој договор го прекршиле 38 пати.

Арјен истакна дека во нападите на талибанците за време на бајрамските празници загинале 20 цивили, а 40 се ранети.

Тој нагласи дека талибанците спровеле бомбашки и вооружени напади. Арјен порача дека талибанците на овој начин не го исполниле ветеното.

Талибанците не се огласија во врска со овие наводи.