Büşra Selvi Öğütcen
22 Октомври 2021•Ажурирај: 23 Октомври 2021
САНТА ФЕ
Познатиот американски актер Алек Болдвин пукал од оружјето што го користел за време на снимање на филм, при што едно лице од екипата на сетот загина, а едно лице е повредено, пренесува Агенција Анадолија (АА).
Според вестите на американските медиуми, базирани на изјавата од канцеларијата на шерифот во областа Санта Фе, се случила несреќа на снимањето на филмот „’Рѓа“ (Rust) во сојузната држава Ново Мексико.
Халина Хачинс, 42-годишната директорка на фотографија и Џоел Соуза, 48-годишниот режисер, се застрелани кога Болдвин отворил оган со оружјето што се користело за време на снимањето.
Соопштено е дека Хачинс, која била пренесена во болница со хеликоптер, го загубила животот.
Соуза продолжува да се лекува во болницата каде што е пренесен.
Портпаролот на Болдвин, пак, за медиумите истакна дека инцидентот се случил како резултат на пукање од пиштол со ќор-фишеци.
Се наведува дека полициските службеници вршат увид на оружјето со кое е пукано.
