Во пожар во затвор во Венецуела загинаа 78 лица

ВАЛЕНСИЈА (АА) - Најмалку 78 лица загинаа во пожар кој изби во затворот во венецуелскиот регион Карабобо, јавува Anadolu Agency (AA).

Затворот се наоѓа во градот Валенсија кој од главниот град Каракас е оддалечен околу 160 километри. Локалните медиуми повикувајќи се на пратеникот Хуан Мигел Матеус, наведуваат дека меѓу настраданите се наоѓаат и десет жени.

Семејствата на затворените лица се наоѓаат пред зградата на затворот чекајќи одговори додека Матеус тврди дека е потребно да се направи листа на загинатите лица.

Тој истакна дека меѓу загинатите лица се наоѓаат и посетители кои во тој момент се наоѓале во затворот.

Локалните извори јавуваат дека пожарот најверојатно го предизвикале затворениците кои ги запалиле креветите и се обиделе да побегнат од затворот.