Во Франција на протести излегоа и вработените во итната медицинска помош

ПАРИЗ (АА) - Во Франција, по демострантите со „жолти елеци“ на улиците излегоа и вработените во службата за итна медицинска помош, јавува Anadolu Agency (AA).

Вработените во итната медицинска помош со амбулантните возила се собраа во близина на Националното собрание во Париз и побараа подобрување на условите за работа.

На местото на протестите сообраќајот беше прекинат, а демонстрантите запалија и автомобилски гуми.

На протестите беа носени натписи „Државата ме уби“, и беа извикувани слоганите „Макрон оставка“.

Поради протестите, безбедносните сили во околината презедоа зајакнати безбедносни мерки.