Израелскиот суд нареди ослободување на гувернерот на Ерусалим

ЕРУСАЛИМ

Израелскиот суд денес по двонеделен притвор одреди ослободување на гувернерот на Ерусалим, Аднан Гаит, се вели во соопштението издадено од канцеларијата на гувернерот, јавува Агенција Анадолија (АА).

Гаит беше уапсен од страна на израелските сили по извршена рација во неговиот дом во Ерусалим на 19 јули.

Обвиненијата против гувернерот се нејасни.

Во соопштението се вели дека гувернерот ќе биде ослободен под услов да не комуницира со палестинскиот разузнавач во Ерусалим, Џихад ал-Факих, ниту со лидерот на групата Фатах во ал-Азарија, Сами Абу Галиа.