Норвешка на Шведска и Исланд ќе им позајми вакцини на АстраЗенека

КОПЕНХАГЕН (АА) - Норвешка ќе позајми дози од вакцината против Ковид-19 на АстраЗенека на Шведска и Исланд, пренесува Агенција Анадолија (АА).

Заводот за јавно здравје соопшти дека во складиштата се ноѓаат 216.000 дози од вакцина на АстраЗенека.

Рокот на траење на вакцината е до јуни и јули.

Во соопштението се наведува дека на Шведска ќе ѝ бидат позајмени 200.000 дози, на Исланд 16.000. Исто така, постои можност вакцините да можат брзо да бидат вратени во посакуваниот период.