Поплавите во Нигер одзедоа 45 животи

ДАКАР

Најмалку 45 лица загинаа во поплавите предизвикани од поројните дождови кои од јуни досега ја зафатија африканската земја Нигер, пренесува Агенција Анадолија (АА).

Според соопштението на Министерството за хуманитарни активности и менаџирање со катастрофи, над 226.000 лица се погодени од поплавите предизвикани од поројните дождови кои продолжуваат од јуни досега.

Се истакнува дека во овие поплави досега загинаа 45 лица, додека 20.000 домови и 24 џамии се поплавени.

Поплавите предизвикаа штета и на земјоделско земјиште од над 5.000 хектари.

Инаку, во поплавите кои се случија минатата година загинаа 32 лица.