Путин и Меркел разговараа за прашањето за Либија

МОСКВА (АА) - Рускиот претседател Владимир Путин и германската канцеларка Ангела Меркел разговараа за решавањето на прашањето за Либија, пренесува Агенција Анадолија (AA).

Во сооппштението на Кремљ се наведува дека Путин и Меркел разговарале телефонски.

Двајцата лидери разговарале за решавањето на прашањето за Либија.

„За време на разговорот е нагласено дека е потребно да се спречи влошувањето на состојбата и да се воспостави мировен дијалог“, се наведува во соопштението.

Се додава и дека Путин потврдил оти Русија е подготвена да ги поддржи иницијативите на Германија и Обединетите нации (ОН), кога станува збор за улогата на посредници.

Разговарано е и за Самитот на лидери одржан минатата недела во Франција, на кој присуствуваа и челниците на Франција, Германија, Украина и Русија.

Кажано е дека за решавањето на кризата на источниот дел на Украина е неопходно да се имплементира Договорот од Минск.

Теми на разговорот биле и испраќање руски гас кон Европа и проектот за изградба на гасоводот „Северен тек 2“.