Emre Gürkan Abay
30 Ноември 2017•Ажурирај: 30 Ноември 2017
МОСКВА (АА) - Министерот за надворешни работи на Русија, Сергеј Лавров, изјави дека Соединетите Американски Држави (САД) ја провоцираат Северна Кореја, и додаде: „Администрацијата на Пјонгјанг е принудена да прави остри потези поради САД. Сето ова се прави за Ким Џонг-ун да прави авантуристички чекори“, јавува Anadolu Agency (AA).
Лавров, кој престојува во Минск за да учествува на Советот на претседатели на Организацијата на договорот за колективна безбедност, зборуваше за последното тестирањето на интерконтиненталниот балистички проектил, извршено од страна на администрацијата на Пјонгјанг, и тврди дека САД намерно, смислено ја провоцираат Северна Кореја. „Администрацијата на Пјонгјанг како резултат на овие провокации е принудена да прави остри потези“, рече Лавров.
Рускиот министер за надворешни работи вели дека не веруваат оти економските санкции против Северна Кореја ќе бидат ефективни. „Русија негативно гледа на предлозите на САД за решавање на корејската криза. Сето ова како да се прави за лидерот на земјата, Ким Џонг-ун, да прави авантуристички чекори“, нагласи Лавров.
Северна Кореја вчера соопшти дека изврши тестирање на интерконтинентален балистички проектил од новата генерација, кој потоа паднал во Јапонското Море.
