Сомалија: Убиени 20 припадници на терористичката организација Ал-Шабаб

МОГАДИШУ (АА) - Во операција која Сомалиската војска ја спроведе против терористичката организација Ал-Шабаб се убиени најмалку 20 терористи, јавува Агенција Анадолија (АА).

Началникот на Генералштабот на Сомалија, Одава Јусуф Рагех, во изјава за медиумите потврди дека операцијата против Ал-Шабаб е извршена во местото Хиран.

Рагех изјави дека во судирите кои следувале се убиени најмалку 20 припадници на терористичката организација Ал-Шабаб.

Сомалија е средиште на повеќедецениска политичка, хуманитна и безбедносна криза, а најголема безбедносна закана претставува терористичката група Ал-Шабаб која е огранок на Ал-Каеда.