Хунтата во Нигер назначи преоден премиер

КИГАЛИ (АА) - Воената хунта синоќа го назначи привремениот премиер на Нигер според декретот прочитан на националната телевизија, повеќе од една недела по воениот удар со кој беше соборен претседателот на таа африканска земја, Мухамед Базум, јавува Анадолу.

Привремената влада, која себеси се нарекува Национален совет за заштита на Нигер, ќе биде предводена од економистот Али Махаман Ламине Зеине.

Тој беше назначен за привремен премиер од генералот Абдурахман Тчиани, поранешен командант на претседателската гарда на Нигер, кој претходно се прогласи за шеф на преодната влада.

Зејн беше министер за финансии на Нигер за време на премиерот Мамаду Танџа, кој ја водеше земјата од 1999 до 2010 година, по нејзиното враќање во цивилна власт.

Зејн моментно работи како државен секретар на Африканската банка за развој за Чад.

Економската заедница на западноафриканските држави (ЕКОВАС) ќе одржи уште еден итен самит во четврток во Нигерија за решавање на политичката криза во Нигер, откако воената хунта го игнорираше својот ултиматум за предавање на власта.

Aмериканскиот Стејт департмент вчера соопшти дека остварил директен контакт со водачите на државниот удар и ја нагласи потребата да се врати претседателот Базум и да се врати Нигер во уставниот поредок.

Базум беше приведен од членовите на претседателската гарда на 26 јули, кои подоцна истата вечер го објавија преземањето на Владата.