Трчајќи од Азија до Европа – Истанбулски маратон

ИСТАНБУЛ (АА) – Илјадници луѓе ќе се сретнат во турскиот најголем град во недела за да трчаат на истанбулскиот маратон, единствената улична трка во светот каде луѓето може да преминат од Азија во Европа. 37-мата кампања на Vodafone за Истанбулски Маратон за оваа година гласи „Запрете го насилството над жените“.

Маратонот ќе биде домаќин не само на светски најелитните атлетичари туку и на илјадници луѓе кои едноставно сакаат да го прифатат предизвикот и да истрчаат 42 километри.

Anadolu Agency се сретна со неколку од овие авантуристи. Еден од нив е Јум Кин Кок, 45-годишен градежен инженер,на кого ова му е 68 трка за шест години, кој вели дека истанбулскиот настан е исклучителен бидејќи тоа е „интерконтинентална трка“, и додаде дека тоа го „прави единствен од останатите маратони во светот“.

Сите трки ќе започнат на азискиот крај на мостот над Босфорот а маратонот ќе заврши на историскиот европски полуостров каде што се наоѓаат Сината Џамија и Аја Софија. Маратонот е единствена, законски дозволена, шанса за поминување на мостот на Босфорот пеш.