پەرلەمانتارێکی پێشووی هەدەپە بە پێنج ساڵ زیندانی سزا درا

هەکاری- AA
پەرلەمانتاری پێشووی هەدەپە، لەیلا گوڤەن بە تۆمەتی "پڕوپاگەندە کردن بۆ رێکخراوی تیرۆرستی" بە پێنج ساڵ زیندانی سزا درا.

گوڤەن، تۆمەتی ئەوەی درابووە پاڵ کە لە ١٣ی شوباتی ٢٠٢٠دا و لە میانەی بەشداری کردنی لە پڕۆگرامێکدا لە شاری هەکاری، بانگەشەی بۆ رێکخراوی تیرۆرستی پەکەکە کردووە و هەر بەم تۆمەتەش درایە دادگا.

ناوبراو، لە کۆتا دانیشتنی دادگاییەکەیدا لە زیندانەوە بە شێوەی ئۆنلاین بەشداری دانیشتنەکەی کرد و داوای کرد ئازاد بکرێت.

لە کۆتاییدا دادگا بڕیاری لەسەر کەیسەکەی گوڤەن دا و بە تۆمەتی "پڕوپاگەندە کردن بۆ رێکخراوی تیرۆرستی" سزای پێنج ساڵ زیندانی بەسەردا سەپێندرا.