Ramal Abdullah Mahmood
25 ئاب 2017•نوێکردنەوە: 26 ئاب 2017
مۆسکۆ – AA
پاسێک کە ژمارەیەک کرێکاری دەگواستەوە لە ناوچەی کراسنۆداری رووسیا کەوتە ناو دەریا و لە ئاکامدا ١٨ کەس گیانیان لەدەستدا.
سەرۆکایەتی باری لە ناکاوی رووسیا رایگەیاند پاسێک کە ژمارەیەک کرێکاری دەگواستەوە لە ناوچەی کراسنۆداری باشووری رووسیا لە رێگای خۆی دەرچوو و کەوتە ناو دەریا.
راگەیەندراوەکە ئاماژەی بەوە داوە کە لە ئاکامدا ١٨ کەس گیانیان لەدەستدا و ٢٤ی دیکەش بریندار بوون کە برینی هەشتیان سەختە. تیشکیش خراوەتە سەر ئەوەی پاسەکە کرێکارانی کۆمپانیای تاماننەفتگازی دەگواستەوە.
