Barış Seçkin
05 Декември 2022•Ажурирај: 06 Декември 2022
МИЛАНО (АА) - Во италијанскиот град Милано синоќа избувнаа судири откако десничарски и левичарски активисти се собраа на посебни собири против руско-украинската војна, јавува Агенција Анадолија (АА).
Група од околу 300 екстремни десничарски и проруски активисти се собраа на „Пјацале Кадорна“ во центарот на Милано за да протестираат против испраќањето оружје во Украина и продолжувањето на антируските санкции.
Марширајќи со факели и италијански знамиња, тие носеа транспаренти на кои пишуваше: „Ние сме обединети против војната“ и „Не на непријателството кон Русија“.
Во исто време, група од околу 500 левичарски демонстранти се собраа на плоштадот „Ларго Каироли“ на протести против војната во Украина и фашизмот.
Безбедносните сили интервенираа кога левичарската група почна да се движи кон областа каде што протестираше екстремната десница.
Еден припадник на безбедносните сили е повреден во жестока тепачка што избила меѓу полицијата и демонстрантите левичари, јавуваат локалните медиуми.
