ГАЗИАНТЕП (АА) – На своето вечно почивалиште денес е испратен петгодишниот Хасан Караташ, кој загина во вчерашниот напад на терористите на ЈПГ/ПКК, изведен од Сирија во Каркамиш, во турската област Газиантеп, јавува Агенција Анадолија (АА).
Ковчегот со неговото тело покриен со турското знаме беше пренесен во населбата Каранфил. Мајката Дилан, таткото Зеки и тројцата браќа и сестри беа скршени од болка.
Погребната молитва ја предводеше муфтијата на Газиантеп, Хусеин Хизарлар, по што семејството, пријателите и граѓаните се простија од малиот Хасан.
На погребот присуствуваа гувернерот на Газиантеп, Давут Ѓул, командантот на 5-тата Моторизирана бригада, Хаџи Халил Осман, градоначалничката на Газиантеп, Фатма Шахин, пратениците од Партијата на правдата и развојот (АК Партија), Мехмет Али Шахин и Мехмет Ердоган, како и од Републиканската народна партија (ЏХП), Бајрам Јилмазкаја и Махир Полат.
Во нападот на куќа во подрачјето на Каркамиш, што го изведоа терористите на ЈПГ/ПКК, загинаа три лица, меѓу кои и петгодишниот Хасан Караташ.
