Двајца американски конгресмени позитивни на коронавирусот

ВАШИНГТОН (АА) - Американскиот конгресмен Марио Диаз-Баларт вчера објави дека е позитивен на коронавирусот, со што е првиот американски законодавец заразен со вирусот, пренесува Агенција Анадолија (АА).

Во соопштението објавено на Твитер, републиканецот од Флорида вели дека во саботата почувствувал сиптоми на главоболка и температура.

„Сакам да знаете дека се чувствувам многу подобро“, изјави 58-годишниот Диаз-Баларт.

Неколку часа подоцна, демократскиот конгресмен Бен Мекадамс од Јута, изјави дека е позитивен на тестирањето што го направил поради поблаги симптоми на настинка.

„Моите симптоми се влошија и добив температура, сува кашлица и отежно дишење, при што останав во самоизолација“, изјави тој.

„Мојот лекар во вторникот ме упати на тестирање за Ковид-19, кое го направив. Денес дознав дека сум позитивен на вирусот“, изјави Мекадамс.

Овие два случаи се случија неколку дена откако и други законодавци, вклучувајќи го и сенаторот Линдзи Грахам, се самоизолираа откако имале контакт со лица кои биле позитивни на коронавирусот.

Двајцата конгресмени ја повикаа јавноста да го сфати вирусот крајно сериозно.